Kumpulan Cerita Lucu Polisi

Kalau berbicara soal humor semua profesi tampaknya bisa di jadikan lawakan yang sangat menghibur, misalnya profesi Polisi yang kita tahu sebagai aparat negara memiliki banyak sisi lucunya juga.Inilah beberapa contohnya:

Alasan Tidak Mau Balik Nama
Sahalak ina-ina naung agak matua muruk-muruk di kantor SAMSAT.
Ina-ina:"Pokokna dang olo au BALIK NAMA" Polisi:"Dang boi songoni inang, ikkon BALIK NAMA do hamu alana BPKB muna on dang marlakku be."
Ina-ina:"Las boha pe taho lak so olo au." Polisi:"aha do haroa alasan ni inang asa so olo BALIK NAMA?"
Ina-ina:"Goarhu ima MAYA ROLOT, molo balik nama annon gabe TOLOR AYAM. Oloanku mai??"

Pencuri Menuntut Keadilan
Si Kojek dohot si Ucok ditangkup Polisi alani kasus manakko.Alai adong perbedaan hukuman ni halaki nadua, dibaen i menuntut keadilan ma si Kojek.
Kojek:"Bapak hakim nami, au holan manakko sada pinahan do boasa di hurung 1 taon? Si Uccok manakko boruni parjabui di palua ho sian hurungan."
Dialusi hakim i ma.
Hakim:"Si ucok manakko boruni parjabui ala naeng dioli ibana do, molo olo mangoli ho dohot babi i hupalua pe ho sian hurungan." Gabe sip ma si Kojek.

Polisi Membeli Antimo
Adong sahalak polisi ro gasagasaon tu sada kode murhing bohina.
Polisi:"Inang! ubat ANTIMO na hutuhor nantuari palsu doi?."
Parkode:"Mahua haroa amang?:
Polisi:"Nunga hu inum 2 biji alai dang moru mabuk hu.Unang macam2 dah aparat penegak hukum do au."
Parkode:"Na sian Kepolisian do amang?" Humitir manukkun satonga mabiar.
Polisi:"Bah... sian dia diboto hamu, memang polisi do au.Mahua molo polisi haroa? Unang coba2 naeng manipu au."
Parkode:"Hmmmmm pantas ma dang mampan Pak! Alana Antimo i holan tu DARAT, LAUT dohot UDARA.Molo tu KEPOLISIANdang adong dope, Pak...!!??

Kasus Uang Palsu
Diaduhon sahalak Dokter ma oppung ni si Kojek tu Polisi.Dungi mulaima diselidiki Polisi kasusna.
Dokter:"Masa dibayar ibana au pakke hepeng paslu?."
Polisi:"Ateh oppung, boasa bayaron mu pakke hepeng palsu?."
Op Kojek:"Naung gila do ra hamu nadua, Masa Gigi Palsu naeng bayaronku pake hepeng asli?. Taboan ma ibana dah.Molo gigi palsu hubayar pake hepeng palsu ma."

Wartawan Menanyakan Motif Ke Polisi
Disukkun sahalak wartawan ma polisi. Wartawan:"aha na masa pak boasa rame-rame dison?"
Polisi:"Nion adong anak boru hona rampok, ditemuhon pingsan jala holan marcelana dalam."
Wartaawan:"wahh... Hira-hira aha motifna pak.?"
Polisi:"motifna marbunga-bunga jala mar renda."

Karejo di DILANTAS POLDA
Disada tikki ditakkup polisi ma si Kojek.
Polisi:"Selamat siang pak, Boi do patuduon ni bapak SIM dohot STNK?"
Kojek:"agoh... Tinggal bapa."
Polisi:"Antong bapak Hu tilang."
Kojek:"Paima jo Hutelepon Bapakku, di DILANTAS POLDA."
Mulai ma mabiar polisi i.
Polisi:"Tohodo bapakmu di DILANTAS POLDA?"
Kojek:"Toho pak, Nionma no HPna, Telepon bapakma."
Polisi:"Oke boanma karetami."
Dung lao sikojek penasaran ma polisi i, ditelepon ma nomor Hp nakkin.
Polisi:"Halo selamat siang, toho do on DILANTAS POLDA?"
Hp:"Toho, aha na boi hu urupi hami?"
Polisi:"Molo boi mamboto, Bagian aha ma bapak di DILANTAS POLDA?"
Hp:"Bagian Kantin Pak, Naeng memesan Aha bapak?"

Melanggar Lalu Lintas
Disada tikki di Setop polisi ma siKojek nalagi mamboan becca.
Polisi:"Priiiiitttt..."
Kojek:"Bah, ahai Pak?" dipaso ma becak nai. Polisi:"Naso dibereng bapak do Tanda Silang di gambar Becca Nian?" Sambil manudu tu rambu- rambu gambar becca.
Kojek:"Huida pak."
Polisi:"Jadi Boasa dilanggar bapak?"
Kojek:"Kan digambar i becakna dang adong penumpangna pak?"

Membawa Alat Bukti
Si Butet mangkail disada tao na adong larangan mangkail.Kebetulan adong polisi mangida.
Polisi:"Selamat siang bu.."
Butet:"Selamat siang pak."
Polisi:"Ai diboto ibu do dilarang mangkail dison?"
Butet:"Huboto pak."
Polisi:"Molo songoni tangkuponku ma ibu.Ala mangkail di daerah terlarang."
Butet:"Ahama buktina na mangkail au?"
Polisi:"Nei kan di boan ibu alatna."
Butet:"Antong au pe laporhononhu nama bapak."
Polisi:"Tentang ahama naeng laporhononmu au."
Butet:"Hulaporhon bapak nunga memperkosa au."
Polisi:"Adong haroa buktina na huperkosa ho, Nanggo Dais pe au tu ho dang adong."
Butet:"Alai alatna di boan bapak do kan?".

Korban Copet Melapor
Sibutet hona copet tikki naik motor sian Porsea lao tu Medan, melapor ma ibana tu polisi.
Butet:"Pak, au naeng mambaen laporan, baru hona copet hepengku dimotor nakiin."
Polisi:"Didia haroa disimpan ibu hepeng muna?"
Butet:"Hu simpan dibagasan BH pak." Mulai ma garuk-garuk ulu polisi i.
Polisi:"Aneh, Disimpan dibagasan BH alai boi dang terasa."
Butet:"Terasa hian pe pak, Alai dang hurimpu tujuanna Se jahat i, hurimpu nakkin holan meremas-remas, eh... Sekalian do hape mencopet." Laos maoto ma polisi nai.

Mengaku Anak Jendral
Dang sadia leleng dope salpu barita Sonya Depari na mangakku anakni Jendral, nahona takkup tikki konvoi simpul UN.Pajago-jagohon ma muse si Kojek mangakku anakni Jendral tikki hona takkup razia gabungan ibana. Gabe heboh ma suasana tikki i.
Kojek:"Au anak BRIGJEN."
Polisi:"Anak Brigjen ho?... Unang mangaku-ngaku ho."
Kojek:"Olo... Marhua margabus au." Polisi:"Antong anak Brigjen dia maho?" inna polisi i, nga tong dua-dua rohana manangkup. Kojek:"Anak BRIGJEN KATAMSO GANG XXX" Polisi:"Babam!!... Push Up ho!!!!"

Jawaban Kena Tilang
Disada tikki distop polisi ma sikojek.
Polisi:"Selamat siang pak, boasa dang dipangolu bapak lampu jolo?" Dibaen sikojek ma nabinotona mangalusi pamalo- malohon.
Kojek:"Na menghemat energi do au pak, Tung muse adong do nei lampu di dalan on.". Dungi unduk ma polisi i mambuka tutup pentil kareta ni sikojek jala di Kompesi ban nai.Tarsonggot ma sikojek.
Kojek:"Ai boasa dikompesi bapak ban hi?"
Polisi:"Lao menghemat energi doi.Tung muse adong do alogo nei." sambil manudu bulung-bulung na diombus alogo.

Itulah beberapa cerita lucu tentang polisi semoga terhibur.

Baca Juga